呢個禮拜睇症大部份啲人都係想攞旅行平安藥。有啲熟客會問我放假去唔去旅行，我唯有強顏歡笑同佢講唔去。跟住希望佢快啲走唔好曬命。點知下一個又問我去唔去旅行，仲話自己去10幾日添，頂！！😭😭
今日冬至，有個睇咗好多年嘅客喺度啊乜你今日開門嘅？我心諗唔開門我就唔喺度睇嚟啦。正如啲人打電話嚟問：「你今日係唔係開門
？」一樣。唔開門就冇人聽你電話啦。我同佢講聽日禮拜六都要返工添！佢一臉驚訝好似從來都唔知原來我哋禮拜六都開門咁，想點呀大佬。你個排版成尺厚OK？
Any肥，佢入嚟睇大髀La生瘡。佢話唔知點解成日都生瘡。不過都係去做完按摩推油先至生。咁我咪話你有冇諗過係因為按摩個地方唔乾淨啊？佢斬釘切鐵同我講話冇可能。又係你自己同我講你生瘡之前都係去做按摩嘅～吹脹！同埋做完按摩生瘡有乜咁出奇？唔係間間美容院都咁乾淨㗎嘛～
我同佢講你未必每一次做完按摩都生瘡，但係你係唔係每一次生瘡之前都有做按摩？呢個好簡單嘅邏輯佢諗左好耐。終於佢恍然大悟，話咁又好似係喎。我心入面反咗好多好多好多個白眼。我可以返屋企做冬未？
🙄🙄🙄🙄🙄🙄🙄🙄🙄🙄
～～
捱到今日，辛苦晒！祝大家開開心心食冬至飯，一家人團團圓圓！過埋個快樂聖誕，享受連續幾日嘅紅日～～～～～ 👨👩👧👦
媽媽冬至廚房 & 同埋 姑娘1 奇怪冬至午餐 （蒸蟹+俾茄汁芥辣同黑椒浸死咗嘅芝士腸🤣🤣🤣🤣🤣）遠方傳黎姑娘1話你影乜鬼嘢啊～～～ 🤣🤣🤣🤣🤣🤣
Search